Animaliei ateratako argazki komiko onenak ikusi nahi al dituzu?
Animaliak bere habitatean eta egunerokoan harrapatu eta irudi ederrak atera dituzte argazkilariek.
Nikon Comedy Wildlife Overall sariketa egin ohi da urtero eta bertan fauna basatiari ateratako argazki komikoak saritzen dituzte. Argazkilari hasiberriek, profesionalek eta amataurrek har dezakete parte naturan gertatzen diren egoera barregarriak ospatzen dituen lehiaketa honetan. Edozein kultura edo adinetako jendeari irribarrea sortzeko irudiak izaten dira.
Aurtengo saridunak jakinarazi dituzte eta irabazle nagusia Italiako Milko Marchetti izan da, "Katagorria trabatuta" izeneko irudiagatiik. Italiako parke batean atera zuen argazkia, urtxintxa zulora sartzen ari zela.
Intsektuen kategoriako saria, berriz, Espainiako Jose Miguel Gallego Molinarentzat izan da, "Mantis Flamenca" lanagatik. Intsektua argazkirako posatzen edo zerbait ospatzen ari dela dirudi.
Narrasti eta anfibioen kategorian, Alemaniako Eberhard Ehmke-k irabazi du saria, "Igela burbuilan" irudiagatik. Urmaelean ikusi zuen igela, burua burbuilaren barruan zuela.
Txorien kategorian, Bulgariako Damyan Petkov izan da garaile, itsas enara musuzuria arroka jotzen ageri da argazkian, lur hartzerakoan.
Arrain eta bestelako animalia akuatikoen atalean, Poloniako Przemyslaw Jakubczyk izendatu dute irabazle. Rol aldaketa irudikatu du argazkian, arraina arranoaren ehizan balebil bezala.
16 urtez azpikoen kategorian, berriz, Indiako Sarthak Ranganadhan-ek irabazi du, musu ematen ari diren bi hontzen irudiekin. Oso argazki samurra da eta baita komikoa ere, aldameneko hontza begiak itxita ageri baita.
25 urtez azpikoen sailean Hong Kong-eko Kingston Tam-ek lortu du saria, igelaren irribarre berezi honekin.
Tapani Linnanmäki finlandiarrak Publikoaren Saria jaso du arranoaren irudiarekin eta Flynn Thaitanunde-Lobb hamar urteko britainiarrak Interneteko portfolioarik nabarmenenarena, dantzan dabilen katagorriarekin.
Bideoen kategorian, Estatu Batuetako Kevin Lohman-ek irabazi du. Irudietan azeri gorri bat ageri da, belardian biraka. Bestetik, segidan dauden lan hauek ere goraipatu dituzte.
Leslie McLeod (Kanada)
Andy Rouse (Britainia Handia )
Randy Herman (Estatu Batuak)
Sanjay Patil (India)
Takashi Kubo (Japonia)
Artur Stankiewicz (Polonia)
Ralph Robinson (Britainia Handia )
Arvind Mohandas (Alemania)
Marti Phillips (Estatu Batuak)
Jan Piecha (Alemania)