Astirtitan

Minaren orratz puntadek harilkatzen dituzten bost istorio dakarzkigu Pettik. Bost argazki, bost bizipen, ezinegona ernaltzen duten bost kanta. Kristal gardenenaren leuntasuna atzamarrarekin atseginez ferekatu eta ertz puntan azala odol tantaka deskubritzea bezalakoa. Norbere argilunetan arnasteko blues, folk, rock doinuak sortzen dituzte baxu, gitarra, bateria, perkusio, Hammond organo eta akordeoiak. Harribitxia da Erramurik gabeko gauak. Ahots kanta-gorputza, gailentzen diren gitarren melodia goxoek haragia, eta aliterazio zein metonimien jira-bira hipnotikoan eraikitako Harkaitz Canoren poesia hezurrak.