Ba al dakizu zer euskal talderekin kolaboratu duen Janus Lesterrek 'Etxean' kantuan?

Janus Lesterrek Etxean kantua aurkeztu du Neomak taldearekin batera.  "lraganeko loturetatik askatzea eta norbere bidea aurkitzea bilatzen duen bidaia instrospektiboa" da abestia, "aurrera egiteko nahiaren eta atzean uzten denagatik sentitzen den nostalgiaren arteko barne-borroka". 

"Etxean itxaron nazazu" esaldia errepikatzen du Janusek, eta askatasun-nahiaren eta ezagunarekiko loturaren arteko dualtasuna islatzen du. Bidean galtzen baldin bada ere, kontsolamendua aurkitzen du galtze horretan, hantxe soilik sentituko baita benetan etxean" etxean. 

Bilaketa pertsonalari, norbere burua aurkitzeko urruntzeko beharrari egindako kantua da, "bidaiaren ziurgabetasuna besarkatuz eta etxea, leku bat baino, sentimendu bat izan daitekeela onartuz".

Disko berriko aurrerapen kantua da hau. Azaroaren 22an argitaratuko du Lore lan berria, estudioko bere bigarren albuma, eta abenduaren 30ean emango du birako lehen kontzertua, Donostiako Victoria Eugenia antzokian.