Badator Gosex! Azaroaren 28an lehen aurrerapena
Pornoaz arituko gara lehen atalean eta Aitor Majada TikToker eta abeslaria izango da gonbidatua.
Duela hilabete batzuk aurreratu genizuen Gosex izeneko proiektu berri bat genuela eskuartean, eta laster izango duzue ezagutzeko aukera! Izan ere, azaroaren 28an ikusi ahal izango duzue lehen atalaren aurrerapena.
Gosex bidepodcastean sexuaren inguruko gaiez arituko gara, aske, elkarrekin partekatzen eta ikasten. Lehen atalean pornoa izango dugu hizpide.
Ainhoa Azkue Nebukai izango da aurkezlea eta Hiruki Larrosa Kooperatibako Ibai Fresnedo izango dugu aditua, gaien inguruko bere ezagutza eta ikuspuntua emateko. Lehen ataleko gonbidatua, berriz, Aitor Majada TikToker eta abeslaria izango da.
Hasieran adierazi bezala, azaroaren 28an zabalduko dugu sareetan lehen pilula. Gosex zara?
