Dantza tradizionalaren ikuskizunak egiten ari dira uztailean Bilbon 'Dantza Plazetan' programaren bidez
Testua: Maitane Legarreta Etxezarreta
@mailegetx
Dantza tradizionalen alardeak egiten ari dira Arriaga plazan uztaileko asteburuetan. Dantza Plazetan programaren helburu nagusia euskal folklore herrikoia sustatzea eta balioestea da, erromeriak, dantza-alardeak, erraldoien desfileak eta plaza publikoetako kalejirak ospatuz.
Beti Jai Alai dantza taldea aritu zen joan den larunbatean eta hurrengoak honako hauek izango dira: uztailaren 16an, Salbatzaile Dantza Taldea; uztailaren 23an, Goi-alde Dantza Taldea; eta uztailaren 29an, Eslovakiako Folklore Ensemble Drevár taldea.
Emanaldiak arratsaldeko zazpietatik aurrera izango dira. Gainera, hilaren 30ean, Ondalan Erraldoien Konpartsak erraldoien kalejira egingo du San Inazion, 11:30ean.
Abuztuko etenaldiaren ondoren, irailean helduko diote berriz egitasmoari.
