"Dragoi Bola"-ren maratoira joan nahi al duzu?

"Dragoi Bola"-ren maratoira joan nahi al duzu? Son Goku eta gainerako pertsonaiez gozatzeko aukera izango da larunbatean. Makusi plataforman ere ikusi ahal izango da hemendik aurrera. https://www.gaztezulo.eus/albisteak/dragoi-bola-ren-maratoira-joan-nahi-al-duzu/@@download/image/Pantaila-argazkia 2025-01-14 153931.png
2025/01/15

Testua: Maitane Legarreta Etxezarreta
@mailegetx

Son Goku eta gainerako pertsonaiez gozatzeko aukera izango da larunbatean. Makusi plataforman ere ikusi ahal izango da hemendik aurrera.
"Dragoi Bola"-ren maratoira joan nahi al duzu?

Dragoi Bola zalea izan eta haren falta sumatzen baduzu, edo askotan entzun, sekula ikusi ez, eta nolakoa den jakin nahi baduzu, asteburuan duzu aukera!

Dragoi Bola-ren maratoia egingo dute EITBren Bilboko egoitzan, larunbatean, 16:00etatik 21:00etara. Hainbat atal emango dituzte pantaila handian, Multibox aretoan. 

250 lagunentzako tokia egongo da eta, horregatik, azkar ibili eta lehenbailehen izena emateko gomendioa egin dute antolatzaileek. 

Makusi plataforman laster
Dragoi Bolaren euskarazko atalak ikusiz hazi dira Euskal Herriko hainbat haur eta larunbatetik aurrera aukera bera izango dute belaunaldi berrietako ume eta gaztetxoek ere. Ostiralero atal batzuk gehituko dituzte Makusi plataformara.