Erabili al duzu Grok, X-en adimen artifiziala? Guk bai, eta erantzun interesgarriak jaso ditugu!

X sare sozialak, garai batean Twitter izena zuenak, modu irekian, doan, eskuragarri jarri du bertako erabiltzaileentzat Grok txatbota.  Erabiltzaileek egindako kontsultei erantzunak ematen dizkio, eta sare sozialaren azken orduko informazioa ere aintzat hartzen du.  Hortaz, gertakari garrantzitsuen berri izan dezakezu eta haren inguruko informazioa jaso. Elon Munskek bere garaian adierazi zuen erantzun umoretsuak edo sarkastikoak emateko ere gai dela. 

Gure barruko arima bihurria atera eta galdera batzuk egin dizkiogu Groki. Erantzunak laburtu egin ditugu, baina hona hemen mamia:

• Zenbat diru irabazi du Pello Reparazek Mitoaroa ikuskizunagatik?
  Irabaziak kalkulatzeko, sarrera kopurua, salneurria, produkzio kostuak, eta beste gastu batzuk kontuan hartu behar dira. Aurrerapen bat eginez, eta sarrera bakoitzeko batez besteko prezio bat hartuz (esaterako, 50 euro), Nafarroa Arenan 1.500.000 euro baino gehiago lortu zitezkeen sarreretatik (30.000 * 50). Illunben, sarrerak askoz gehiago saldu ziren, baina eskaerak ez dira beti sarrerak erostea bermatzen, hau da, sarrerak saldu ziren kopurua ez da argi, baina espekulatuz, ikuskizun bakoitzeko 15.000 pertsona izan zitzakezke, eta hirutan (45.000 * 50), 2.250.000 euro.
  Kontuan hartuta ez dakigula sarrera kopuru zehatza, prezioak edo produkzio gastuak, eta irabazi garbiak kontzertuen kostuak kentzean lortzen direla. Irabazitako kopuru zehatza ezin da zehatz-mehatz eman, baina irabazi handiak izan dituztela argi dago.
• Nor da Euskal Herriko sex symbola?
  Euskal Herriko "sex symbol" izatea subjektiboa da, eta pertsona baten erakargarritasuna, ospea eta eragina kultura, moda eta garaiaren arabera alda daiteke. Hona hemen zenbait adibide: Eneko Sagardoy aktore ezaguna, bere itxura eta talentuak askotan nabarmendu dituzte; Amaia Romero musikaria, bere dohain musikalaz gain, bere estilo pertsonalak jende asko erakarri du;  Gorka Otxoa aktorea, bere umorea eta karisma dela eta, askotan ikuslea erakartzeko ahalmena izan du; Edurne Ormazabal, supermodelo eta aktorea, zeinak "Goenkale" telesailan lan egin zuen eta modan izan zen bere garaian; Aitor Karanka, futbol entrenatzailea eta jokalari ohia, bere presentzia eta erakargarritasuna futbol zaleen artean nabarmentzen dira.
• Nolakoa da Elon Munsk?
  Elon Musk, munduko pertsonarik aberatsenetako bat eta sortzaile eta buruzagia da SpaceX eta Tesla bezalako enpresa ezagunetan. Musk teknologia eta berrikuntza bultzatzen dituen pertsona gisa ezagutzen da, espazioko bidaiak, auto elektrikoak, eta energia berriztagarriak sustatzen dituena.
  Egozentrikoa eta kontrobertsiala da. Bere izaerak eta erabakiek sarritan sortu dituzte polemikak. Bere adierazpen publikoak ere izan dira eztabaidagarriak, gai politikoetan, osasun publikoan eta beste askotan. Bere politika-joerak eskuinerantz mugitu dira azken urteotan. 
  
• Zein euskal aktorek irabaziko du Oscarra etorkizunean?
  Etorkizunean zein euskal aktorek Oscarra irabaziko duten aurreikustea oso zaila da. Hala ere, euskal aktore batzuk daude oraindik beren ibilbidean nabarmendu direnak eta horrek aukera ematen die etorkizunean Oscarra irabazteko: Itziar Ituño, bere talentuak aukera eman diezaioke Oscarra irabazteko egokia den papera aurkitzen badu; Eneko Sagardoy, sektorean duen errespetuak eta bere karreraren hazkundeak agerian uzten dute bere potentziala; Amaia Aberasturi, bere ibilbide gazteak etorkizunerako aukerak irekitzen ditu; Nagore Aranburu, bere ibilbidean aurrerapausoak ematen jarraitzen badu, aukera izan dezake.
• Zein da Euskal Herriko lekurik okerrena bizitzeko?
  Euskal Herriko lekurik okerrena bizitzeko zehaztea subjektiboa da eta hainbat faktoreren arabera alda daiteke. Hala ere, azken aldian, hainbat iturri eta X plataformako eztabaidetan, Errenteria, Gipuzkoan, aipatu izan da. Alokairuen prezioak oso altuak dira eta errentari askok ezin dituzte ordaindu. Azpiegitura edo bizi-kalitatearen inguruko kezkak agertu dira. Errenteriak industria eta komertzio gune batzuk baditu ere, lanpostu eskaintzak eta bizi-kostuaren arteko oreka ez da beti erraza izan. Dena den, Errenteria kultura eta gizarte bizitza aberatsa duen herria da, eta horrek erakartzen ditu asko.

Ikusten duzun bezala, zuhurtzia-itxura emanez, guztiak erantzun ditu, denean asmatu ez badu ere. Galderei erantzun eta informazioa emateaz gain, irudi bat sortzeko agindua ere eman diezaiokezu. Irudiak sortzeko kontuan traketsago moldatzen dela ikusi ahal izan dugu. Euskaldunekin irudiak sortzeko zailtasunak erakutsi dituenez, kanpoko pertsonaia ezagun pare bat kokatu ditugu Euskal Herrian. Hauexek dira sortutako bi irudi: Paul Mescal Donostian eta Zendaya Bilbon. Zer iruditzen zaizue emaitza?

Zer iruditu zaizue Grok? Erabili al duzue? Hala bada, kontatu zuen esperientziak gure sare sozialetan iruzkinduta.