GAZTEZULO TOP 10: 2024KO ALBISTERIK IRAKURRIENAK

10: Ibai Llanosen eraldaketa fisiko harrigarri eta inspiratzailea
Bilbotarra eragin handiko eduki sortzailea da erdal komunitatean eta euskaldunon artean ere zale ugari ditu. Azken hilabeteetan, bere jarraitzaile guztiekin, sare sozialen bitartez, prozesuan dagoen bere aldaketa fisiko harrigarria partekatu du. 

9: Ahaztu zure lan akademikoak ChatGPT-rekin egiteaz
Berriki jakin denez ChatGPT kontrolatzen dun Open AI erakundeak “ur-markak” gehitu ditzake. Dirudienez, zuetako askok erabiltzen duzue lan akademikoak egiteko, top zerrendan sartu baita albistea. 


8: Sexumatoia, Aissa Intxausti
Urtero sexumatoiren bat agertzen da gure urteko zerrendan. Oraingoan, ikusienetako Aissa Intxausti bertsolariari egin geniona izan da.

7: "Black Friday"-en iruzurra: Nola ez erori eskaintza engainagarrietan 
Kontsumo arduratsua egin eta iruzurretan ez erortzea lan nekeza da mundu moderno honetan. Marketinak aplikatzen dituen trikimailuetako batzuk ezagutarazi genituen Black Friday-ren aitzakian. 

6: Euskal Herriko gertakari paranormalak (II): Otxateko estralurtarrak
Misterioa eta gertakari paranormalen zale asko daude eta gure artean ditugu. Bereziki estralurtarraren gertakariak zuen arreta piztu zuen.

5: Irakurtzea eta sozializatzea maite duzu? Hementxe duzu zuretzako plana: irakurketa festak
Irakurketa maite duzuela argi utzi diguzue, albiste hau bisitatuenetako bat izan baita. New Yorkeko Reading Rythms ekimenak sozializatzea eta irakurtzea bateragarriak direla aldarrikatu nahi du eta horregatik antolatzen ditu irakurtzeko festak.

4: Zea Mays-en Elektrizitatea kantua Euskal Herriko 34 emakume abeslariren ahotsekin
Zea Maysen Elektrizitatea kantua ezaguna da euskal musikazaleen artean, eta bati baino gehiagori oilo-ipurdia eragiten digun kantua da. 25 urte beteko ditu datorren urtean eta, urteurrenaren aitzakian, kantuaren bertsio berria eta berezia egin du taldeak. Ezin bestela, topean sartu beharra zuen.
 

3: Valentziara laguntzera joan diren euskaldunak
Valentzian gertatu zen hondamendia ez dugu sekula ahaztuko. Guztion bihotzak samurtu zituen eta euskaldun asko bertara abiatu ziren laguntza eskaintzeko. 


2: Gosex: Lehen atala osorik! Pornoa hizpide
Sexuari buruzko gure bideopodcastari sekulako harrera beroa eskaini diozu. Ikusi besterik ez dago eskuratu duen postua! Lehen atal honetan pornoa izan dugu hizpide. Nebukai aurkezleak, Hiruki Larroxako Ibai Fresnedo adituak eta Aitor Majada TikToker eta abeslariak pornoari buruzko hainbat ertz landu dituzte. Oraindik ikusteko tarterik ez baduzu izan, sartu hemen. 


1: Zirt-Zart, Aner Peritz
Aner Peritz ez da aurtengo Gipuzkoako bertso txapelketako irabazlea izan, baina bertso izugarri beharrezko bat jaurti zuen, biral bilakatu zena. Gurean ere Aner Peritzi egindako elkarrizketa duzue zerrendako lehen postuan.