Malandain Ballet Biarritzek antolatuko du aurtengo Maitaldia
Ane Urrutikoetxea @aneurruti
Irailaren 10etik 19ra bitarte egingo da dantza jaialdia, eta Biarritzez gain Euskal Herriko beste hainbat hirietara zabalduko da.
2020ko Maitaldia zailtasun handiekin antolatu zuen Biarritz Culture elkarteak, pandemiak eragindako murrizketak medio; gauzak horrela, testigua Malandain Ballet Biarritzi pasa diote, 30 urteren ondoren. Aurtengo edizioa beraz, ballet taldeak antolatuko du; aditzera eman dutenez, Biarritzez gain aurtengo edizioa Euskal Herriko beste hainbat hirietara zabalduko da.
Biarritzeko udalak antolakuntza aldaketa eskertu du, jaialdia hobeto antolatu eta gehiago zabaltzea ekarriko duelako. Irailaren 10etik 19ra bitarte egingo dute dantza jaialdia, beti ere, ordurako segurtasun neurriek aukera eskaintzen badute.