SEXUMATOIA: MAIDER GALARDI

MAIDER GALARDI (LASARTE-ORIA, 1995) EHU-N TESIA BUKATZEN ARI DA, AFIT ANTROPOLOGIA FEMINISTA IKERKETA TALDEAN, ETA HAINBAT HEDABIDETAN KOLABORATZEN DU. BIZITZAZ GOZATZEA ERE ASKO GUSTATZEN ZAIOLA NABARMENDU DIGU, ETA ARGI GERATU ZAIGU ELKARRIZKETA HONEN BIDEZ.

• Zein da noizbait bero-bero jarri zaituen telesaila?
  Telesailak baino, Jasone Osororen Jara eta bere abenturek jartzen gintuzten bero kuadrillakoak txikitan.
• Joango al zinateke zita batera itsu-itsuan?
  Lagun on batek gomendatua bada, bai. Gizon ezezagunekin geratzen bagara, makineria jartzen dugu martxan: norbere kotxea eraman, toki ezagunetara joan, lagunari zer moduz dagoen galdetu, hortik ateratzeko deitu....
• Zer da zita batean inoiz esan behar ez dena?
  Gizon zis hetero bat bada: “Ai, bai, ni ere feminista aliatu bat naiz”.
• Zer da lehen begiratuan erakartzen zaituena?
  Gerria!
• Ligatzeko erabili duzun trikimailurik onena?
  Ez dakit ligatzen eta kuadrillakoek esaten dute tabernan pauma baten moduan ibiltzen naizela.
• Zer da sare edo aplikazio bidez ligatzerakoan gertatu zaizun gauzarik bitxiena?
  Blablacar eta Uberren mezuak utzi dizkidate ni gehiago ezagutzeko iradokizuna eginda.
• Inoiz eman dizuten gomendiorik onena ligatzeko?
  “Ez galdu denbora. Gustatzen bazaizu eta rollitoa dagoela nabari baduzu, galdetu zuzenean ea ligatzen ari zareten”.
• Eta txarrena?
  “Ez esan ligeari zerbaitek gogaitu zaituela, eta ekintzekin zigortu: ez hitz egin, paso egin, umore txarrarekin egon... kontura dadin eta zure atzetik etor dadin”.
• Zein da zurekin oheratzeko hobekien funtzionatu duen esaldia?
  “Zerbait nahi ez baduzu, esan”.
• Maniarik ba al duzu oheratzerakoan?
  Lehen, zigarroa erretzen nuen larrua jo ondoren, sexia zelakoan, baina orain nagia ematen dit.
• Zein da etxean sexurako txokorik onena?
  Leiho ondoan, bizilagunek ikusi gabe.
• Zein da zure fantasiarik zoroena?
  Hegazkinari beldurra diot eta gustura joango nintzateke komunera denbora-pasa.
• Larrutan egin duzun lekurik gogokoena?
  Donostiako Urgulleko Zurriolako miradorea.
• Zein da inoiz egin dizuten proposamenik zoroena?
  Konfinamendu betean Zarauzko industrialde batera joatea. Urduri joan nintzen, falafel batzuekin, eta hizketan eta jaten pasatu genuen denbora azkenean!
• Sexuan izan duzun esperientziarik gozagarriena?
  Asteburu oso bat mendiko etxe batean, neguan eta biluzik pasa nuenekoa.
• Eta traketsena?
  Asteburu horretan bertan, sekulako orgasmoa eta gero, beroaldi arraroa sortu zitzaidan, eta izu-atake bat izan nuen sentsazioak nahastuta, kar-kar-kar. Dutxara sartu eta nire onera itzuli nintzen.