'Solstizium': murgiltze esperientzia artistikoa
Urtarrilaren 19ra arte egongo da zabalik Bilboko BBK Salan.
BBK Salak Solstizium instalazioa eskainiko du Gabonetan, familia osoari zuzendutako "murgiltze esperientzia" artistikoa eta interaktiboa. Hainbat elementu uztartzen ditu esperientzia honek: teknologia eta artisautza, euskal kondairak, folklorea, arbasoen oroitzapenak eta etorkizuneko ikuspegiak.
Solstizioa, eguzkia gorenean dagoen unea, ospatzen duen ibilbidea da. Eskultoreek, margolari eta ebanistek, musikagileek, ilustratzaileek eta argiztapen diseinatzaileek sortu dute giropen guztia, "euskal mendien gainaldean hasi eta familiaren etxeko berotasunean amaitzen dena".
Urtarrilaren 19ra arte egongo da zabalik instalazioa. Sarrera doakoa da baina gonbidapena behar da. Hemen eskura daitezke gonbidapenak.
