Sopela Kosta Fest izango da egunotan

Sopela Kosta Fest jaialdiaren hamakaigarren edizioa egingo dute gaurtik igandera. Natura, musika eta surfa ditu oinarri jaialdiak, Sopelako inguruneaz eta ondare naturalaz gozatzeko aukera eskaini nahian.

Gaur, ostirala, egokitutako surf ikastaroa, Chasing Pelets eta Olas de cambio dokumentalen proiekzioa eta solasaldia, mikroplastikoei buruzko erakusketaren inguruko azalpena, Birakolore ikuskizun ibiltaria eta Vulcanizadas, Acid Tongue, Janus Lester eta Arizona Babyren kontzertuak izango dira.

Bihar, larunbata, surf eta skate azoka, flyschera bisita gidatua, skate tailerra, harezko eskulturen tailerra, parkour eta ginkana, eta hegaluze eta sagardo dastaketa izango dira besteak beste. Eguna amaitzeko, kontzertuak egingo dituzte: Ginger, Txopet, The Cherry Boppers Meet Patricia Reckelss, Bele eta Maruja Limon.

Igandean, berriz, honako ekintza hauek izango dira besteren artean:  orientazio proba, Eraztun Berdera bisita gidatua, kometa akrobatiko eta estatikoen erakustaldia, ginkana digitala, kometa tailerra, eta kale antzerkia.

Egitarau osoa hemen kontsulta daiteke.