Take Kubo Doraemonen unibertsoan!

Takefusa Kubo, Errealeko izarra eta Japoniako jokalaririk ezagunenetakoa, Doraemonen atal berezi batean agertuko da.

Atal honetan, Nobita, bere izaerari fidel, lotan geratzen da eta urte berriko ospakizuna galtzen du. Baina lasai, ez da ezer gertatzen, Doraemonek Madrilera eramaten baitu. Bertan Take Kubo ezagutuko du. Tarte horretan, Kubok baloiarekin duen abilezia erakutsiko die Nobita eta Doraemoni.

Lehen aldia da Kubo anime batean agertzen dena eta Doraemon bezalako klasiko batean egingo du debuta. Kuboren ospearen erakusgarri da eta ziur honekin Errealak zaleak irabaziko dituela Japonian, atal berezian, Donostiako taldearen koloreekin agertuko baita.

Atala Japonian igorriko da abenduaren 31an, urtea modu bikainean itxiz. Zuk ere ikusi nahiko bazenu, lasai, laster bikoiztuko omen dute mundura zabaltzeko. Beraz, Doraemon gustuko badauzu eta Take Kuboren zale sutsua bazara, ezin duzu galdu crossover berezi hau!