Zirkua probatzeko gogoz bazaude, oraintxe duzu aukera!

Gure Zirkuko artistekin zirkuko hainbat diziplina ezagutu eta probatzeko aukera izango dute tailerrean parte hartzen dutenek. Sei orduko tailerra izango da, bi egunetan banatuta, otsailaren 8an eta 9an, 11:00etatik 14:00etara.

Nork parte har dezakeen? Bada, zirkuaz gozatzeko grina duten 6 eta 100 urte bitartekoek. Kulturaz Kooperatibakoek azaldu dutenez, "adin tarte zabala eskaini nahi izan dute Gure Zirkuko arduradunek zirkura gerturatzeko aukera inori ez mugatzeko asmoz". 

Gure Zirkua ezaguna da euskal herritar askorentzat eta bertako ikuskizunez gozatu dute karpa barruan, baina gertutasun bereziz bizi ahal izango dute orain zirkua parte-hartzaileek.

Tailerrak 40 euroko kostua izango du pertsonako, Kulturaz kooperatibako kultur bonudunentzat 30 euro. Izen-ematea hemen egin daiteke.