ZIRT-ZART: IANIRE ARANZABE

IANIRE ARANZABE (ALTZAGARATE, 1999) MUSIKARIAK, ESANEZINEK, GAUZA ASKO ESATEN DU BERE MUSIKAREKIN, ETA ELKARRIZKETA HONETAN ERE EMAN DIGU BERETIK.

• Zer momentutan- non, noiz eta nola- sentitu izan zara zoriontsuen?
  Dokan maite dudan jendez inguratuta emandako kontzertuan, eta baita hurrengo aste osoan ere.
• Norekin kolaboratzea gustatuko litzaizuke?
  Ba, Xsakararekin, akaso musikalki zerbait ezberdinagoa aterako zelako, gainera oso-oso jatorra da.

• Nori bidali diozu azken mezua? Eta zer mezu izan da?
  Mugan taldeko Pablori: “Ze guatxi! Eta lasai, ez bazaude beste kontzertu baten ingo deu!”.
• Zer da egin duzun erokeriarik handiena?
  Lau lan bateratzea posible izango zela pentsatzea.
• Noiz esaten duzu gezurra?
  Deiren bat hartu ez, eta gero azalpenak ematea tokatzen denean.
• Zer hitz edo esaldi erabiltzen duzu behar baino gehiagotan?
  “Egie esan”.
• Pertsona baten zer ezaugarri gustatzen zaizu gehien?
  Begiradak eta sentsibilitateak harrapatzen naute bereziki.
• Zein izan da zure lorpenik handiena?
  Nire buruari bigarren aukera bat ematea.
• Zein da zure denbora-pasarik kutunena?
  Kontzertuak beti.
• Zer abestik gogorarazten dizu zure haurtzaroa?    
  Pirritx, Porrotx eta Mari Mototsen Eskuetan abestiak.

• Zertaz damutzen zara gehien?
  Batzuetan lotsagabeagoa ez izateaz, baina ezta gehiegi ere e…
• Nolakoa litzateke zure egun perfektua?
  Altzagaraten bukatzen den edozein igande.
• Zein ohitura jaso duzu gurasoengandik?
  Kotxean bidaia luzeak ez egitearena.
• Nola deskribatuko zenuke zure burua hiru hitzetan?
  Alaia, sentibera eta lasaia.
• Zer soinu edo zarata gustatzen zaizu gehien?
  Ba, arazo bat dut zaratekin (misofonia ote dudan pentsatzen hasia naiz), baina maite dut oraindik esnatu gabe diren kale/lekuen soinua edo akaso isiltasuna, kar-kar-kar.
• Zein da zure beldurrik handiena?
  Oraintxe bertan datorren guztiak beldur dezente ematen du.

• Zer helburu duzu etorkizun hurbilerako?
  Gauzei hainbeste buelta ez ematea.
• Iraganeko zeure buruari zerbait esan ahal izango bazenio, zer esango zenioke?
  Ez nuela jakin hobeto egiten…
• Jabetzan duzun zer gauza bota beharko zenuke?
  Armairuko arropa askori bigarren bizi bat ematea ez legoke gaizki.
• Gertaera historiko bat aldatu ahalko bazenu, zein izango litzateke?
  Depilatzeko argizaria asmatu zen eguna, zer nezesidade?
• Zer oroitzapen ezabatu nahiko zenuke eta zein betiko gogoratu?
  Ezabatu nahiko nituzkeenak ahazteko, aipamenik ez egitea onena; eta betiko gogoratuko dut Altzagaraten emandako kontzertua.