Antxeta Irratiko Aitziber Zapirain Etxanizek Euskal Herriko emakume kazetariak bildu ditu Arduraz komunika dezagun dokumentalean, indarkeria matxistaren inguruan hausnarketa egiteko. Dokumentalak Euskal Herriko herri hedabideetan egiten den hizkuntzaren erabileraren inguruko gogoeta planteatzen du. Horretarako, Euskal Herriko hamaika hedabideetako emakume kazetariak elkarrizketatu dira dokumentala osatzeko, haien lan ohiturak ezagutzeko. Era honetan, dokumentalean kazetarien gogoeta eta ekarpenak bildu dira, hizkuntzaren erabilerak indarkeria matxistan izan dezakeen eragina aztertzeko helburuarekin. Dokumentala osatzeko GAZTEZULO, Bilbo Hiria, Halabedi, Arrosa Sarea, Antxeta Irratia, Hamaika Telebista, Berria FM, Berria egunkaria, Argia astekaria, Pikara Magazinea eta Irunero aldizkariaren tankerako hedabideek parte hartu dute. Hortaz gain, ikus-entzunezkoan Kattalin Miner, Amelia Barquín eta Irene Arrarats adituen ekarpenak bildu dira.
2021/01/19
